Двајца повредени во несреќа на патот Маврови Анови-Дебар

Едно лице е потешко повредено, а друго завршило со полесни повреди во сообраќајна несреќа која се случила денес околу 10 часот и 40 минути, на регионалниот пат Маврови Анови-Дебар, во близина на Бошков мост. Како што информира СВР Тетово во несреќата учествувале две патнички моторни возила:„Опел корса“ со скопски регистерски таблици, управувано од 60-годишниот скопјанец К.Н. и „Мерцедес“ со дебарски таблици, што го управувал 40-годишниот дебранин И.М.
Во судирот, возачот на „Корсата“ , се здобил со тешки телесни повреди, фрактура на лево ребро и лева подлактица, а возачот на „Мерцедесот“, со полесни телесни повреди. Двајцата биле пренесени во дебарската болница,од каде по укажаната лекарска помош, скопјанецот е префрлен на скопските клиники, а лицето од Дебар било пуштено на домашно лекување.
Извршен е комплетен увид и се утврдува причината за несреќата, вкупната материјална штета и се друго поврзано со оваа сообраќајна несреќа, втора по ред со тешки телесни повреди овие два дена на поширокото гостиварско подрачје, соопшти полицијата.