Две деца и возрасен маж добиле воспаление на мозокот од Западно Нилска треска

Во месечниот извештај на Институтот за зјавно здравје за состојбата со заразни заболувања во земјава за август регистрирани се три случаи на вирусен енцефалитис (воспаление на мозокот). За трите лабораториски било потврдено дека се предизвикани од West Nile вирус, Западно нилска треска.

„Станува збор за 2 лица на возраст од 11 и 69 години од машки пол и едно лице на возраст од 8 години од женски пол. Едниот случај е со место на живеење во село Враниште, Струга, вториот од село Стајковци, Скопје и третиот од Струмица. Двете деца биле хоспитализирани на Клиниката за детски болести во Скопје, а возрасното лице било хоспитализирано на Клиниката за неврологија во Скопје, каде е поставена дијагноза и спроведено лекување. Направени се епидемиолошки истражувања за трите случаи, известени се соодветните ЦЈЗ/ПЕ и превземени се соодветни превентивни мерки.“, наведено е во извештајот.

Западно-Нилската треска е заболување кое го пренесуваат комарци, а кое кај помалку од 1% од инфекциите кај луѓе може да се манифестира со тешки невролошки симптоми.