Две лица од Гостивар се сомничат за кражби „тешки“ околу 800.000 денари

Надворешната канцеларија за криминалистички работи Гостивар поднесе кривична пријава против 35 годишниот К.Ф. и 38 годишниот Р.И.(38), двајцата од Гостивар поради постоење основи на сомнение за сторени 21 кривично дело “тешка кражба“ и две кривични дела “кражба“.

„Во периодот од 22.12.2017 година до 17.04.2019 година на подрачјето на Гостивар, во куќи, патнички возила и стоматолошка ординација, пријавените, со употреба на физичка сила делувале на влезните врати, додека во патничките возила со кршење на стакло, по што влегувале внатре и одзеле пари, електрични апарати, компјутери, електрични машини за работа и алат, со што се стекнале со противправна имотна корист од 797.900 денари.“, соопшти Министерството за внатрешни работи.