Две прекршувања на полицискиот час во Гостивар

После повеќе денови без прекршувања на забраната за движење во Гостивар, полицијата ноќеска регистрира ново непочитување. СВР соопшти дека во периодот од 24 часот на 20 мај до 4 часот на 21 мај 2021 година на подрачјето на Гостивар се регистрирани 2 лица кои го прекршиле полицискиот час.

Според статистиката на Секторот за внатрешни работи Тетово во текот на изминатото деноноќие, за неносење заштитни маски на вкупно 48 лицa (Тетово-32 и Гостивар-16) изготвени им се прекршочни платни налози, согласно член 6 од соодветната владина Уредба.

Во истиот период 1 лице во Тетово и 2 во Гостивар изготвени им се нови решенија за изолација од Државен санитарен инспекторат, а контроли им биле извршени во Тетово на 67 и Гостивар на 32 лица со вакви решенија и при тоа не биле констатирани непочитувања.