Две сообраќајки со повредени во гостиварско

На регионалниот пат Гостивар-Чегране, вчера попладне се случила сообраќајна несреќа со учество на две патнички возила: „Поло“ со гостиварски таблици, управувано од 73-годишен жител на Чегране и „Голф“, исто така, со гостиварски таблици, управувано од 24-годишен жител на Форино. Во судирот, со телесни повреди се здобил возачот на „Полото“, кој бил пренесен во гостиварската болница и по укажаната лекарска помош, пуштен на домашна нега.

Полицијата информира и за друга несреќа со повредени која се случила во непосредна близина на наплатната станица Гостивар. Се удриле: товарно возило „ДАФ“ со тетовски таблици, управувано од 44-годишник од село Милетино и патничко возило „Фолсфаген пасат“, исто така, со тетовски таблици, што го управувал тетовец.  Сопатничката од „пасатот“ , 42 годишна жена се здобила со телесни повреди и и била укажана лекарска помош од екипа на Итна помош на местото на судирот.