Две сообраќајки со повредени на патот Маврово-Дебар

Две сообраќајни несреќи се случиле вчера (10 август) на патот Маврово-Дебар, кои завршиле со повредени лица. Во продоложение информациите за нив од полицијата.

Вчера во 9.05 часот на регионален пат Мавровска крстосница-Дебар, на местото викано „Обесена вода“, се случила сообраќајна несреќа помеѓу патничко возило „дачија“ со српска национална ознака, управувано од В.И.(37) од Србија и патничко возило „мерцедес“ со скопски регистарски ознаки, управувано од С.А.(43) од Скопје.

Во несреќата со тешки телесни повреди се здобиле двајцата возачи, додека сопатникот од возилото „мерцедес“, Б.М. од Скопје, се здобил со телесни повреди, констатирани во Ургентен центар-Гостивар.

Исто така вчера во 12.10 часот на регионалниот пат Мавровска крстосница-Дебар, во близина на бензинска пумпа, се случила сообраќајна несреќа помеѓу патничко возило „сеат“, управувано од Р.Б.(32) од Гостивар и патничко возило „шевролет“, управувано од С.С.(63) од Гостивар, двете со гостиварски регистарски ознаки. Во несреќата со  тешки телесни повреди се здобил сопатникот од возилото „шевролет“, Е.Џ., додека со телесни повреди се здобиле двајцата возачи и уште две  сопатници,  констатирани во Медицински центар-Гостивар.

По овластување на Јавен обвинител увиди на лице место на несречите извршила екипа од ОВР Гостивар.