Две жени и три деца повредени во несреќа на автопатот Тетово-Гостивар

Пет лица завршиле со телесни повреди во сообраќајка која се случила утрово околу 6.50 часот на автопатот Тетово-Гостивар, кај клучката за Камењане.

Како што информира портпаролот на СВР Тетово, Марјан Јосифоски во несреќата учествувале три патнички моторни возила: цитроен берлинго со скопска регистрација, мерцедес со англиски регистарски таблици и рено меган со тетовски таблици.

Повредените биле пренесени во тетовската клиничка болница. Се работи за повреди од полесен карактер.

Поради несреќата, утрово неколку часа сообраќајот на автопатот беше во прекин, а возилата се пренасочуваа. Увидот на местото е завршен и се утврдуваат причините.