Две женски лица сакале да шверцуваат луксузни чанти од 3,1 милион денари

Две пријателки кои патувале со лет од Париз во договор со македонски моден креатор кој престојува во Франција се обиделе во државава да криумчарат 16 луксузни чанти од брендот Loewe, информираше денеска Царинската управа на Македонија. Луксузните чанти биле со вкупна вредност од 3,1 милион денари.

Царинската управа извести и за други спречени обиди за криумчарење.

Во јавен царински склад помеѓу стока со потекло од Кина наменета за увозник во Скопје, мобилен тим пронашол 132 бормашини, кои не биле опфатени со царински документи. Службата за мобилни скенери при контрола на товарно моторно возило на излез од државата на граничен премин Табановце откри 40 штеки цигари сокриени во горниот дел од кабината на влекачот. Брачен пар се обидел преку граничен премин Блаце во државата да криумчари 72 пара патики со вкупна вредност од околу 100 илјади денари. Мобилен тим на излез од државата на граничен премин Деве Баир при контрола на автобус во еден ранец и патничка торба откри 58 пасоши за домашни миленици со турски сериски броеви. На влез во државата на граничен премин Богородица царинските службеници при контрола на камион со бугарски регистарски таблички во просторот за палети открија 85 литри ладно цедено маслиново масло. 56 женски чанти се пронајдени во багажниот простор и резервната гума на автомобил, пријавен за влез во државата на граничен премин Богородица