Поврзи се со нас

Живот

Дворот на Василески во Гостивар е рај за очи и душа! Уникатно катче кое дише со љубов и внимание

Објавено

на

Нема човек кој би останал рамнодушен на комплетната убавина што ќе го дочека во дворот од семејната куќа на Василески во Гостивар. На секој чекор уникатни декорации, повеќето рачно изработени, дел купени, но грижливо одбрани, па цвеќе со кое секој домаќин би се гордеел, детали кои совршено го оплеменуваат просторот…

Едноставно, атмосфера во која се‘ се спојува со природата и е во служба на убавината и пријатноста. А освен естетика, местото проткајува и интересни приказни, испреплетени со емоции и традиција.

Токму заради таа автентичност, Gostivarpress.mk го посети семејството во 6 Зона и поразговара со брачниот пар Богица и Боби за нивната пасија кон уредувањето на дворот, изработување на украсни елементи, колекционерство на антиквитети…

Соодветно на сезоната, нивниот двор периодов раскажува есенска бајка.

„Уште од мали нозе сум сакала да се занимавам со креативни активности, плетам, правам изработки, уживам додека работам на декорирање, а исто така моја голема љубов се и цвеќињата. Ете, за среќа со сопругот ја делиме страста кон креативните работи и едноставно се надополнуваме, омилен начин да го поминуваме слободното време ни е во уредување на дворот. Сега имаме есенска тема, со тикви, пченки, костени, есенски цвеќиња-хризантеми, сето тоа се трудиме да го вклопиме во боите и амбиентот што личат на ова годишно време. Идеите најмногу доаѓаат сами по себе, некогаш се инспирираме од некој пример од социјалните мрежи“, вели Богица, инаку одделенски наставник во училиштето во гостиварско Тумчевиште. Таа секојдневно издвојува час-два за грижа за цвеќињата, ги наводнува, негува, кога треба ги пресадува…

Вниманието во бајковитиот двор секако го задржуваат ветерницата изработена од рециклиран материјал, вовчето и куќичката за птици од дрво, бурињата…Тие се мајсторлук на Боби.

„Конкретно ветерницата ја изработив од рециклираната пластика, набавена од странство. Ја имаме веќе три години, стои надвор, изложена е на секакви временски услови и еве дури сега ќе треба нешто да се обнови, заштити. Инаку, порано се занимавав со столарија, па оттаму љубовта кон изработување, сум се учел сам, занаетот го знам, интернетот е чудо, може се‘ да видиш, но и ако е човек креативен и има желба може да се измисли многу работи и да си направи. Си обликувам по мое многу работи.“, кажа Боби.

Семејството си има традиција да го уредува дворот повеќепати во годината, со мотиви и цвеќе според тековната сезона. Во тоа помагаат и уживаат и нивните три деца, а посебни моменти на релаксирање на сите им се оние кои ги минуваат во летниковецот, кој пак е посебна приказна за себе.

Тој е дом на многу ретки предмети, во етно стил и антиквитети како радија, телевизор, часовници, ковчег со посебно емотивно значење.

„Многу од овие предмети се од прабаба, од прадедо, и носат голема емотивна вредност.“, ни откри Боби, кој ни објасни и дека телевизорот затворен со вратички кои се заклучуваат, всушност има значење дека во минатото само најстариот член од семејството ги чувал клучот, и можело да се гледа ТВ само ако тој дозволи, односно отклучи.

Фотографиите зборуваат сами за себе за убавината и мирот што дворот на ова гостиварско семејство ги дава, а Василески имаат порака што се надеваат ќе допре до сите:

„Луѓето да се држат до идејата што им причинува задоволство, тоа е вистинското кога  нешто со мерак го правиш, тогаш е и успешно. Луѓето да се оттргнат од политика, од лоши вести, од лоши работи што се случуваат во светот и да си направат еден свој свет што ќе им причинува задоволство“ .

Нашите добри домаќини уште сега ги прават плановите за изгледот и уредувањето на дворот за следната сезона, со голем жар и ентузијазам како и за секој свој таков проект.

Сподели ја веста:

Маркетинг

Advertisement
Advertisement
Advertisement

Огласи за вработување:

Гостиварпред 2 недели

Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар

Македонијапред 4 недели

Нови цени на горивата од полноќ!

Видео емисиипред 2 недели

Гледајте денес – Видео интервју со д-р Стојо Бошкоски

Гостиварпред 1 недела

MINT fintech group и во Гостивар: Менувачница, Осигурување, Инвестициски решенија, Дигитални плаќања, Кредити..

Гостиварпред 3 недели

Духот на работните акции живее и денес, Здружението на акцијаши Гостивар верно на мисијата

Гостиварпред 2 недели

Автомобил излетал од патот Гостивар – c.Беловиште и паднал во Лакавичка река

Рецептипред 4 недели

Домашен сок од цреша по рецепт на нашите баби

Гостиварпред 3 недели

Во пресрет на доаѓањето на печалбарите подготовки и мерки за ред во сообраќајот

Гостиварпред 3 недели

Неуморен автор! Гостиварецот Кипроски промовира уникатна и ретка монографија

Гостиварпред 3 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 3 месеци

Со љубов и почит кон корените – „Танец“ одржа концерт во Гостивар

Гостиварпред 5 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 6 месеци

Ангелчињата во Гостивар го најавија Христовото раѓање-Бадникова поворка 2024

Спортпред 7 месеци

По првиот круг од сезоната КК Гостивар „виси“ на 8-та позиција на табелата

Спортпред 7 месеци

Кехинде од пенал му пресуди на Македонија Ѓорче Петров 1-0

Гостиварпред 10 месеци

Стефановски: Гостивар одличен како домаќин и публика, благодариме од срце!

Спортпред 10 месеци

ФК Гостивар загуби на домашен терен од Силекс 1-2

Гостиварпред 11 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Advertisement

Популарно изминативе 100 дена