Еден ден со..
ЕДЕН ДЕН СО: Мирослав Попоски, менаџер
„Животот е убав и секоја минута треба да се искористи максимално“
Кои се твоите утрински ритуали и навики?
– Се будам баш рано, околу 5 часот… малку спијам, ама таа навика ја имам од дете… и не се жалам, супер ми е… имам време за се… плус спомени од спиење нема… инаку многу често се будиме заедно со ќерка ми Нина која има 11 месеци и си играме со нејзе додека не се разбуди жена ми… после тоа следуваат редовните утрински ритуали: туш, кафе, средување за работа… најважно го обожавам утрото како дел од денот…
Како ти поминува работниот дел од денот?
– Работата ме окупира во поголемиот дел од денот… водам фамилијарна фирма со традиција од 27 години и се трудам да си ги завршувам своите работни обврски на време… поради потребите на работењето често сум на пат и по објекти, но сето тоа е нешто што јас го сакам и со љубов го работам…
Со што го исполнуваш слободното време?
– Во принцип немам премногу слободно време, но секоја секунда ја користам да ја поминам со децата… Нина е мала и со нејзе најчесто дома проаѓаме убаво време заедно, а Стефан има скоро 12 години и е доста активен на повеќе полиња, а највеќе во ФК Работнички каде долго тренира… освен тоа сакам да погледнам некој добар филм, да седнам во кафанче со пријатели, да отидам на некое интересно патување. Многу сакам спорт и да гледам спортски натпревари, до сега сум присуствувал на повеќе од 600 натпревари и сум ја подржувал македонската репрезентација на сите европски и светски првенства.
Според тебе, кој е наjдобриот начин за релаксациjа?
– Она што го наведов во претходниот одговор само логично се надоврзува на ова прашање… највеќе ме релаксира времето поминато со моето семејство, но читање на квалитетна книга, истражување на интернет, комуникација и дружење со многу мои пријатели во Македонија и надвор од неа и секако пратење голем број спортски натпревари како и рекреативен спорт и посета на интересни и несекојдневни дестинации ме опуштаат максимално…
Патување што ќе го паметиш цел живот е…
– Искрено многу патувам и сакам да посетувам интересни места… посетувам и другари кои живеат во други земји… многу интересни и необични случки ми се случувале на истите… ама ако морам да издвојам интересно патување би биле неколку – Јапонија со Малезија, Америка со попатно дел од Европа и остварување на дел од моите соништа во една недела – Пирамидите во Египет и недела дена пред тоа следење на Бели Ноќи на Исланд… секако многу нови дестинации ми се во план – Аргентина, Русија, Хаваи…
Која е твојата животна филозофија?
– Моето животно мото и филозофија е “Живеј го секој ден како да е последен”… поентата ми е дека секој ден треба да се доживува со нова енергија, секоја минута да се користи максимално зашто животот е убав и пружа многу убавини…
На светот му недостига…
– Светот е навистина прекрасен за живеење… а му фали малку повеќе љубов, разбирање, толеранција помеѓу луѓето… секако и помалку алчност зашто сите сме гости на овој прекрасен свет…
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар