ЕДЕН ДЕН СО: Шпреса Усеини, директорка на ООУ „Исмаил Ќемали“ Гостивар

Кои се вашите утрински ритуали и навики?

-Задолжително, утринско кафе… И спремање за работни обврски…

Како тече еден ваш работен ден?

-Како и секоја институција, која пoседува голем број на вработени, има искреност, почитување, соработка, и недоразбирања кои се дел од секојдневието.

Што е клучно за успешно менаџирање со една образовна установа?

-Менаџирањето не е личност или позиција. Тоа е сложен морален однос помеѓу луѓето заснован на доверба, обврска, посветеност, емоции и заедничка визија за доброто на сите со кои соработувам! Триаголникот- наставник- родител- ученик е клуч на институцијата! “Воспитанието е тоа, кое останува, кога личноста заборава што научилa во училиштето!”

Кој ви е омилен начин да го исполните слободното време?

-Слободното време го поминувам покрај семејството, читам, пешачам…

Кога станува збор за изгледот, на што најмногу обрнувате внимание?

-Целосниот изглед ми е важен, како секоја жена, но косата и чевлите ми се омилени.

Ваша движечка сила и инспирација во животот се…

-Моите најблиски, родителите и сите кои ме почитуваат.

Најголемата животна лекција сте ја добиле од…

-Една од речениците на моите прекрасни родители е – животот не е лесен за никого од нас, биди своја секогаш, клучот на среќата е да престанеш да се споредуваш со другите, секоја личност е уникатна и не секој ќе го има твоето видување-хоризонт.