Еден нов случај на Ковид 19 на подрачјето на Гостивар, во Македонија 6 починати

Во изминатите 24 часа се потврдени 54 нови случаи на Ковид-19 во земјава, информира Министерството за здравство. Меѓу нив е и еден нов случај од подрачјето на Гостивар. Останатите новозаболени по градови се: Скопје-13, Куманово -25, Штип -1, Прилеп -10, Тетово -1, Велес -2, Кичево -1.

Со ова вкупната бројка на дијагностицирани пациенти со Ковид-19 во нашата земја изнесува 908 лица.

Министерството за здравство информира дека на Клиниката за инфективни болести и фебрилни состојби во Скопје починаа 4 пациенти на возраст над 60 години, од кои двајца пациенти од Лабуништа, еден пациент од Прилеп и еден од Куманово. Во Болницата „8 септември“ починаа 2 лица, пациент од Велес (67 г) и пациент од Куманово (59 г).

Со два негативни теста и во добра општа состојба од Инфективната клиника се испишани 10 оздравени пациенти, а регистрирани се и 32 оздравени пациенти (12 од Дебар и 20 од Скопје) кои се лекуваа во домашни услови.

Во официјалната статистика на МЗ, регионот на Гостивар има вкупно 9 заболени со коронавирус.