Единаесет дена кои никогаш не постоеле

Единаесет дена нема никогаш да ги пројдете во ниту еден учебник по историја. Зошто? Бидејќи никогаш не постоеле.

Доколку почнете да барате историски настан кој се случил помеѓу 5-ти и 14-ти октомври 1582-ра година сигурно нема да пронајдете ништо. Одговорот е едноставен, се работи за денови кои никогаш не се случиле, односно не постојат.

Всушност се работи за интересен историски феномен. Токму таа година, 1582-ра, папата Гргур XIII на 4-ти октомври издал декрет со кој вовел нов календар. Неговиот нов календар и денес е во употреба во најголемиот број земји во светот и го знаеме како Грегоријански календар. Со него го заменил, до тогаш важечкиот календар кој го вовел Јулиј Цезар во 46-та година пред новата ера и кој според него се вика Јулијански календар.

Како сето ова има врска со таканаречените непостоечки денови?

Бидејќи од воведувањето на јулијанскиот до воведувањето на грегоријанскиот календар се појавила разлика од 11 дена, папата Гргур едноставно наредил тие вишок денови да се избришат. Па така после 4-ти октомври 1582-ра година осамнал 15-ти октомври 1582-ра година.

Инаку разликата помеѓу стариот и новиот календар константно се зголемува. Па така денес таа разлика изнесува 13 дена. Во 2100-та година јулијанскиот календар ќе доцни 14 дена позади грегоријанскиот, во 2200-та 14 и така натаму.