Една жртва во несреќата кај Новоселски пат, потврди полицијата првично

СВР Тетово даде првични информации во врска со тешката сообраќајка на патот Гостивар-Кичево. Полицијата потврди дека има една жртва.

Според првичните информации во несреќата учествувале три моторни возила: џип “мерцедес”, патничко возило “бмв”  и камионет. Едно лице од камионетот починало на местото на несреќата, а седум лица, првично, пренесени се во гостиварската Општа болница “Ферид Мурад “за укажување на лекарска помош.

Јавен обвинител и екипа од ОВР Гостивар вршат увид. Сообраќајот се пренасочува преку Церово.

Инаку, на територија на СВР Тетово, денес беа санкционирани 86 возачи заради брзо возење. Од нив, 22 возеле со брзина од над 50 километри на час повеќе од дозволената, а двајца со дури над 70 километри на час над дозволеното. 54 санкции се изречени на територија на Тетово, а 32 на територија на Гостивар.