Едно прекршување на полициски час во Гостивар, 21 казна за неносење маски

Во периодот од 24 часот ноќекса до 4 часот утрово на подрачјето на Гостивар, СВР Тетово регистрира едно  прекршување на владината одлука за целосна забрана за движење на граѓаните, односно на полицискиот час.

Носењето маски веќе не е задолжително на отворено, но во затворен простор, продавници, банки, како и во автомобили со лица кои не се од исто семејство, оваа мерка се‘ уште важи. Сепак, не сите ја почитуваат и полицијата секојдневно казнува за неносење на заштитна маска. Во последното деноноќие по тој основ на 14 лица во Тетово и 21 лице во Гостивар им биле изготвени соодветни поднесоци.