Едукација и совети против дијабет за повозрасната популација во Гостивар

Општинската организација на Црвениот крст во Гостивар периодов организира информативни работилници чија цел е подигнување на свеста за превенција и навремено дијагностицирање на дијабетес кај постарата популација.

Изминатите два дена во просториите на Црвен крст се одржаа две од планираните три вакви настани на кои учествуваа четириесетина граѓани над 60 годишна возраст.

„Учесниците беа информирани за дијабетесот преку презентација на д-р. Азиз Даути, се запознаа со болеста, нејзините симптоми, последици и превенција. На крајот, шеќерот во крвта го измериле двајца доброволци. Во наредните денови ќе се одржи и третата работилница.“, информираа од Црвен Крст.

Работилниците се организираат под мотото „Здраво стареење“.