Екипи спасувале заглавени странски туристи кај Галичник

Вчера попладне на телефонска линија 195 се јавило лице странски државјанин, кој пријавил дека заедно со неговата сопруга со својот автомобил се движеле од Маврово кон село Галичник и на повисока надморска висина по патот со возилото заглавиле во снег.

По добиеното известување од страна на Регионалниот центар за управување со кризи – Тетово беа известени: РЦУК Гостивар, полициските станици во Маврово-Ростуше и Гостивар, Македонија пат секција Гостивар и Општина Маврово-Ростуше. Од полициската станица Маврово Ростуше беше испратена полициска екипа со теренско возило, која во 16,50 часот ги пронашла лицата и успеале да го извлечат и автомобилот на заглавените лица, и истите безбедно да ги спуштат во Маврово, соопшутваат од Центарот за управување со кризи на РМ.