Еколошки акции низ Гостивар за Светскиот ден на глобално чистење

Милиони волонтери на сите страни на планетата Земја, се вклучуваат во акции за собирање отпад и расчистување на 15 септември – Светски ден на глобалното чистење. „Преку одбележувањето на овој ден сакаме да ја поддржиме новата генерација на лидери во заедницата, кои се подготвени да дејствуваат заедно за да се најдат трајни решенија со отпадот. Неопходно е заеднички да се дејствува против загадувачите, корупцијата, неинформираноста за штетни последици по животната средина и слично.“, се вели во пораката од движењето Let’s do it, кои се носители на проектот.

По повод Светскиот ден на глобалното чистење, еколошки акции се спроведуваат и во Гостивар, во училишните дворови, паркот и на други локации. Целта е да се подигне свеста за зачувување на околината и правилно третирање на отпадот.