Економско Гостивар: По 3.500 денари месечна стипендија, нов смер, пракса во познати фирми…

Средното економско училиште во Гостивар ги отвора вратите за полуматурантите со повеќе позитивни новини за претстојната учебна година.

Секој ученик што ќе се запише во училиштето ќе добива месечна стипендија во износ од 3.500 денари. Исто така, воведен е и нов смер, кој се покажува доста привлечен за деветтоодделенците, а тоа е Угостителство и туризам. Овој смер се придружува на останатите препознатливи за училиштето: економски техничар, правен техничар и дигителен маркетиг и е-трговија.

„Од оваа учебна година бидете дел од дуалните паралелки во кои наученото во училиште ќе имате можност практично да го примените во најпознатите фирми од градот. Создадете ги вашите средношколски спомени кај нас и добијте знаење што ќе ви помогне да ги остварите вашите соништа“, порачуваат од економското училиште.

Пријавувањето и запишувањето ќе биде во јунскиот уписен рок на 20 и 21 јуни, и 27 и 28 јуни преку порталот за електронски услуги на Министерството за образование и наука.