Екстра летен десерт: Крем сладолед од карамелизирана банана

Сладоледот е несомнено најпосакуваниот десерт во летниот период, кој истовремено ги задоволува потребите за нешто слатко, а и освежува. Секако, највкусен е ако си го подготвите дома. Ова е рецепт за интересен сладолед од карамелиизрана банана, за чија подготовка нема да ви треба многу време, а не мора ни да бидете некој мајстор во кујната, за да добиете добар краен производ.

Состојки:

3 банани

70 гр. кафеав шеќер

1 голема лажица путер

350 мл. млеко

2 лажички шеќер во прав

малку арома од ванила

2 лажици лимонов сок

прстофат сол

подготовка: Исецкајте ги бананите, измешајте ги со кафеавиот шеќер и путерот и ставете да се печат во загреана рерна 30-40 минути. Откако ќе се испечат, префрлете ги во блендер, заедно со сирупот од растопен путер и шеќер од плехот. Додадете го млекото, шеќерот во прав, аромата од ванила, лимоновиот сок и солта и блендирајте додека смесата не се изедначи сосема.

Добро изблендираната смеса, оставете ја најпрво да се излади, а потоа во пластичен сад ставете ја во замрзнувач. За неколку часа, деликатесниот сладолед ќе биде готов.