Елези: Над 500 милиони евра за закрепнување на економијата и задржување на работните места

Заменик министерката за финансии Ширет Елези на прес конференција во седиштето на ДУИ, ги претстави владините мерки насочени кон економијата и најпогодените сектори од пандемијата на Ковид 19.

„Обезбедивме финансиски средства за над 200 илјади вработени, 30 илјади микро, мали и средни компании, вклучувајќи индивидуални занаетчии. Помош од 7 илјади денари од 15 до 20 000 невработени, 120 илјади граѓани со ниски приходи, 100 илјади студенти и ученици, 50 илјади земјоделци, медицински персонал, како и за спортистите и уметниците и за над 320 илјади пензионери“, рече Елези.

Според заменик министерката, целта на овие мерки е да закрепнување на локалната економија и задржување на работните места.

„Целта на мерките е закрепнување на локалната економија по здравствено-економската криза, одржување ликвидност на локалните компании, одржување работни места, обезбедување социјална заштита како помош на невработените граѓани и социјални случаи, поддршка за секторите кои се најпогодени од кризата на вирусот „Ковид 19“ како што се туризмот, угостителството, транспортот, индивидуалните занаетчии, спортистите и уметниците, вработените во микро, мали и средни претпријатија, студентите, стимулации за вработените во здравството, стабилни плати за државната администрација и пензиите“, рече меѓу другото Елези.