fbpx
Поврзи се со нас

Вести Гостивар

Епидемија на варичела во неколку градови, во Гостивар состојбата е стабилна

Објавено

на

За разлика од неколку други градови во Македонија, каде има епидемија на овчи сипаници, во Гостивар состојбата со ова заболување е стабилна. Медицинските служби не бележат зголемување на бројката на заразени.

Евиденцијата на епидемиолошкото одделение во Гостивар покажува дека месецов има само неколку случаи на варичела, исто како и во декември. На годишно ниво, за 2016-та регистрирани се вкупно 116 пациенти со овчи сипаници. „Тоа е вообичаена и очекувана бројка, што значи дека состојбата е стабилна“, оценува епидемиологот, прим. д-р Војислав Огњаноски.

Варичелата се сметаат за детска болест и најголемиот дел од заразените, околу 70% се деца на училишна возраст. Последните години епидемиолозите регистрираат и повозрасни пациенти кај кои обично клиничката слика, за разлика од децата, е потешка.

Овчите сипаници спаѓаат во најинфективните заболувања, се пренесуваат преку непосреден контакт, кашлање, кивање, дури и преку зборување.

Во Скопје само во јануари со варичела се заразиле над 200 лица, а во целата земја има околу 500 заболени.

Advertisement
Advertisement
Advertisement
Advertisement

Вработувања Полог:

Advertisement

Популарно изминативе 100 дена

error: Содржината е сопственост на Gostivarpess.mk!