Поврзи се со нас

Гостивар

Есенски пазар со украсени плодови во градинките во Гостивар (фото)

Градинките во Гостивар денес наликуваа на шарени есенски градини, исполнети со радост и насмеани детски лица. Во установите под мотото „Златна есен“ се организираше пазар, на кој се продаваше есенско овошје и зеленчук, декорирани и украсени на креативен начин од страна на децата од средните и големите групи и родителите во соработка со воспитувачките.

„Денеска имаме прекрасен есенски настан под мотото златна есен, кој се одржува во сите три градинки во Гостивар. Есенски пазар на кој нашите дечиња ги нудат креативните производи од овошје и зеленчук кои самите ги изработија. Сакам да им се заблагодарам на родителите кои издвоија дел од своето време и дојдоа да го поддржат настанот.“, рече Мирјана Мицоска, директор на детските градинки во Гостивар.

Во знакот на есента дечињата рецитираа песнички за ова годишно време и носеа капчиња со изработени плодови, а родителите имаа можност да изберат и купат уникатни производи изработени од рацете на нивните најмили.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!