Еве како самите да си направите сангрија

Сангрија е освежителен алкохолен пијалак кој содржи парчиња овошје. Сангријата е шпански пијалак, а своето име го добила од зборот сангре, што во превод значи крв. Постојат многу различни рецепти за правење на сангрија, ви пренесуваме еден:

Важно е да сметата дека сангријата се подготвува еден ден порано, пред послужувањето или конзумирањето. Но, најважно од се е да имате свежо овошје.

– праски 
– јаболка
– црно грозје 
– бело грозје 
– диња

Овошјето исецкајте го на мали коцки во еден сад, прелијте го со вештачки засладувач, по желба може ванилин шеќер и оставете го да отстои нешто повеќе од час и половина.

Кога овошјето ќе ги испушти своите сокови, додадете горк ликер како пелинковец, амарето, јагермеистер (по желба можете да ги мешате, но не се препорачува); црно вино по ваш избор и обична вода. Измешајте се убаво во садот за овошјето да го апсорбира алкохолот од ликерот и виното и да ја испушти својата арома во пијалакот.

Затворете го садот и ставете го во фрижидер да отстои 24 часа. Утредента со „усул“.