Еве какво време не‘ очекува во новата работна недела

Времето денеска (понеделник) ќе биде сончево и потопло со мала локална облачност. Ќе дува слаб до умерен ветер претежно од западен правец. Температурата во гостиварскиот регион ќе се движи од 3 до 14 степени.

Утре (вторник) ќе владее променливо облачно, наутро по одделни котлини со услови за појава на магла и ниска облачност. Кон крајот на денот најпрвин во западните, а во текот на ноќта и во останатите делови ќе има врнежи од дожд. Ќе дува слаб до умерен ветер од јужен правец, особено изразен долж Повардарието. Температурата ќе опадне за неколку степени.

Слични временски услови ќе имаме и во среда, додека во четврток не се очекуваат врнежи, но ќе остане облачно и постудено. За петок метеоролозите прогнозираат делумно сончево време.