Евролигата вечерва ќе го добие новиот шампион – Олимпијакос или Реал Мадрид?

Кошаркарите на Олимпијакос и Реал Мадрид вечерва во „Жалгирио Арена“ од 19:00 часот ќе го одиграат решавачкиот натпревар од Евролигата во сезоната 2022/23.

Кралскиот клуб има најмногу трофеи во Европа десет титули, тимот од Пиреја има три, но дуелот во Каунас го дочекува како благ фаворит и со повеќе од 5.000 навивачи кои сигурно ќе направат пеколна атмосфера.

Благодарение на спектакуларната трета четвртина против Монако, Олимпијакос обезбеди место во борбата за трофејот, додека мадриѓаните уште еднаш докажаа дека никој никогаш не треба да ги потцени со триумфот во „Ел Класико“.

Реал последен пат беше европски шампион во 2018 година со Лука Дончиќ во тимот, а беше најавено дека Словенецот вечерва од првиот ред ќе го бодри својот поранешен клуб.

Црвено-белите го чекаат трофејот од 2013 година.