Ф1: Втора победа на Фетел и Ферари

Пилотот на Ферари, Себастијан Фетел вчера ја забележа втората победа во Формула 1 шампионатот, откако прв низ целта ја мина трката за големата награда на Бахреин.

Со триумфот и освојувањето на 25-те бодови Германецот ја зголеми бодовната предност на 17 поени во однос на второпласираниот Луис Хамилтон кој трката во Бахреин ја заврши на третата позиција. Втор на целната рамнина помина Валтери Ботас кој заостана нецела секунда до Фетел.

Првата петторка во Бахреин ја комплетираа Пјер Гасли од Торо Росо и Кевин Магнусен од Хаас. Бодови освоија уште Нико Хулкенбергер (Рено), Фернандо Алонсо (МекЛарен), Стофен Вандоорне (МекЛарен), Маркус Ериксен (Саубер), Естабан Окон (Форс Индијана).

Најголемо разочарување на втората трка од новата сезона беа пилотите на Ред Бул, Макс Верстапен и Даниел Рикардо и Кими Раиконен од Ферари кои не успеја да финишираат.

Трката ја одбележа страшен инцидент со тешки последици за еден од механичарите на Ферари. Кими Раиконен изненадувачки тргна порано од предвиденото, а еден од механичарите на Ферари со скршеница на ногата го „плати“ киксот на Раиконен кој не ја заврши трката.

Следната трка во Ф1 ќе се вози во Кина следниот викенд.

Извор: Ohridnews.com