Фантастичен рецепт за зимница – Чери домати во маслиново масло

Во зимницата оваа година вклучете ги и неодоливите мали убавици – чери домати. За домаќинките нова идеја и интересен рецепт се секогаш добредојдени. Особено кога станува збор за зимницата, за која не треба да има граница во креативноста и пробувањето на нови нешта. Може да се користат двете врсти, црвени и жолти.

состојки:

700 гр. чери домати

5-6 чешниња лук

1 лажичка оригано

1 лажичка сол

неколку листови босилек

2 лажички шеќер

маслиново масло по потреба

подготовка: Во тава на тивок оган загрејте маслиново масло и ставете ги чери доматите. Пропржете само неколку минути, промешувајте и внимавајте плодовите да останат цели. Кога ќе ја тргнете тавата од огнот, во чери доматите додадете ги шеќерот, солта и ориганото. Редете ги доматите во загреани тегли, при што ќе додавате парчиња лук и листови босилек. Повремено протресувајте ги теглите, за доматите убаво да се распоредат. Откако ќе се наполнат теглите, се залеваат со маслиново масло. Добро затворените тегли може да се пастеризираат на старински начин, во лонец во кој на дното се става крпа, се редат теглите, се залева со вода и се остава да врие не повеќе од 2-3 минути.