Фантастично добар колач со портокал

Портокалите во десерти почесто се користат во форма на сок, но според овој рецепт за колач се ставаат цели портокали, што го прави слаткото задоволство екстра сочно. Подготовката е повеќе од едноставна и брза, ќе ви заштеди време, а нема шанси да не ви се погоди.

состојки:

3-4 портокали (зависно големината)

100 мл. млеко

100 мл. газирана вода

2 јајца

200 гр. брашно

3-4 лажички шеќер

1 кесичка ванилин шеќер

половина кесичка прашок за пециво

прстофат цимет

50 гр. црно чоколадо

малку масло

подготовка:

Најпрво ги лупите портокалите и заедно со млекото, газираната вода, јајцата, шеќерот и ванилиниот шеќер ги блендирате убаво. Ја истурате смесата во длабок сад, па додавате брашно со постојано мешање. Ги додавате прашокот за пециво, циметот и маслото, исто така се мешање. На крај го кршите чоколадото на мали парчиња и го додавате во смесата. Откако ќе измешате, ставете ја смесата во набрашнет плех и печете во загреана рерна на 200 степени околу 25 минути.

Направете си го овој колач уште денеска, нема да згрешите!