fbpx
Поврзи се со нас

Живот

Фасцинантна животна приказна за патот до успехот – Небојша Петревски, фотограф

Објавено

на

    Животот е борба – дури и кога го живееш својот сон!

    Првичната идеја ни беше да направиме интервју со Небојша Петревски како успешен млад фотограф, за неговите почетоци, развој, љубов и посветеност кон фотографијата. Но, при првиот муабет и договарање се сложивме дека во неговата приказна има нешто повеќе. Тоа ни оддалеку не е обична животна сторија. Повеќе наликува на книга или на филм. Исполнета со предизвици, разни препреки, моменти на голема среќа и големи разочарувања, падови и воздигнувања. Додека ни зборуваше за своите премрежја, добивавме впечаток дека пред нас се наоѓа некој човек, со најмалку 60 години живот зад себе.

    А, Нено (како што го знаат повеќето гостиварци) има само 28 години. Веќе е сопруг и татко на две деца. Има свој бизнис, успешно работи и планира да го развива уште повеќе. До тука, па и може да се помисли дека ова, сепак, е вообичаена приказна со некои интересни елементи. Но, што кога ќе споделаме со вас дека овој млад човек, првото работно искуство го имал кога бил седмо одделение… дека како средношколец менаџирал кафуле, работел во обложувалница, па неколку години ја водел, дека создал семејство на возраст од 21 година, дека се соочил со сериозен здравствен проблем на најмилите, дека имал обиди (помалку и повеќе успешни) во неколку бизниси, дека првиот фотоапарат го купил на кредит, а кога му го украле заедно со целата друга опрема, пак подигнал кредит и купил нови…:) Да, така и ние помисливме: Овој човек за неполни триесет години живот има што да каже и раскаже. Благодарнни сме што ја отвори душата пред нас, без проблем, без предрасуди, без шминка, само со порака: „Во животот треба да се гледа само напред! Ако имаш желба за некоја работа, биди вреден, труди се, посвети се и не ги слушај коментарите наоколу. Ќе успееш!“.

    Први работни искуства

    Иако потекнува од познато гостиварско семејство, Небојша немал секогаш лесен живот. По болеста, па смртта на дедо му, кога тој бил мало дете, семејството западнало во финансиска криза. Тоа го натерало да започне да работи во кафуле, како келнер. Имал само 13 години и одел во седмо одделение. По завршување на часовите, се посветувал на работата. И заработувал. Да помага дома, а и за себе. Како средношколец заедно со двајца свои другари, се зафатил да менаџира угостителски објект, кој извесно време успешно функционирал. Во меѓувреме, неговото семејство се обидело со неколку бизниси: локалот, добро познат меѓу гостиварци  – Калигула, потоа изнајмување на веспи, па на крај отвориле Тобако. Небојша бил вклучен во секоја работа, а се трудел да се ангажира и дополнително. „Ми се чини нема работа што не сум ја работел. И градежништво…и чистење…и товарење дрва. Не се срамам од чесна работа“, вели тој.

    Духовен животен пресврт

    „Кога го завршив средното економско училиште, се вработив во обложувалница. Во тој период започнав многу да читам. Најчесто биографски книги на успешни личности, мотивациски дела и книги коишто инспирираат. Во тоа време, не бев начисто со себе. Не знаев што сакам да бидам, која е мојата цел во животот. И токму читајќи ги тие книги, сфатив дека мора да си поставам цел, ако сакам да успеам“, раскажува Небојша.

    Семеен предизвик

    Најголемиот дел од младите, во денешно време, не помислуваат на брак во своите рани дваесетти години. Нено „рипнал во тавче“ на 21 година. Со неговата сопруга Катерина имаат две ќерки, Ива и Ангела. Борбениот дух на главниот лик во нашата приказна и овде се истакнува. Семејството се соочило со сериозна здравствена состојба, но позитивниот пристап е веќе сраснат со неговата личност: „Никогаш не ме напушти мислата дека се` ќе биде во ред. Кога дознавме за компликациите, поминавме тежок период, ама сфатив дека секој ден е нова борба. Среќен сум што сега можам да кажам дека моето семејство и моите деца имаат еден нормален живот“.

    Првата ќерка, Нено ја добил на 22 години. Некоја година подоцна, започнал да се интересира за фотографијата.

    Прва и последна љубов на професионален план

    „По природа сум авантурист, многу сакам да патувам, да откривам и запознавам нови простори. Така, шетајќи некогаш , сфаќав дека не можам да ги споделам моите доживувања со најблиските, па за да го направам тоа, си купив фото апарат. Паметам дека подигнав кредит за да го купам. Без никаква намера да се занимавам професионално со тоа. За да научам подобро да фотографирам се запишав на курс за фото во Скопје. Брзо учам, љубопитен сум и лесно се вклопувам во нови средини и со нови предизвици. На курсот добив желба и ми се роди љубов кон уметничката фотографија. Но, за жал, подоцна по укажување на многу мои блиски, увидов дека тоа не е исплатливо на нашите простори. Полека, полека се преориентирав кон комерцијално фото. Тука, има една случка која ме врати на почеток… од финансиска гледна точка: со поголемата ќерка бевме во Скопје и требаше да правиме некоја наменска фотосесија, сето тоа заврши и кога се вративме во Гостивар видов дека целата опрема, фото апаратот и се` друго ми беше украдено од автомобилот. Фактички, загубив се` што имав и се прашував што и како понатаму. Си реков мора да терам, нема застанување.

    Подигнав нов кредит, вложив во нова опрема. И ми се исплати. Ме ангажираа за сликање на Балиндолска вечер, па за крштевка, за свадба, па за друга семејна веселба, за презентации на фирми, објекти во градба..се редеа ангажмани и се` уште ги има и тоа се` повеќе. Како што растеше побарувачката, така ја надополнував опремата, со камера, па со дрон. Ја направив првата панорама на Гостивар со дрон, снимката доживеа 100 илјади прегледи, веројатно им беше интересно затоа што до тогаш никој го немаше видено градот така, од воздух.“, ни откри Небојша за почетоците на неговата популарност во светот на фотографијата и видео продукцијата.

    Фото и видео продукција на стабилни нозе

    Денес, Нено веќе може да се пофали со своја фото и видео продукција, која стои на стабилно тло и пред која престојат нови патеки за освојување. За година и пол, има сработено реализирано над 160 семејни веселби, свадби, крштевки, родендени, преку 300 снимања со дрон, десетина реклами… Посебно интересно е учеството во создавање на документарниот филм на турската национална телевизија, преку кој проект го прошетал целиот Балкан. „Документарецот „Скриен Балкан“ се однесува на откривање на убавините на балканските земји. Бевме низ цела Македонија, во Србија, Грција, Бугарија, Босна, Косово. Целта на турската национална телевизија беше да  го претстави пред публиката во Турција овој дел од светот, особено оние места и градби коишто се останати од старо турско време“, вели Небојша.
    И кога нема ангажмани, тој е секогаш активен. Не ги испушта фотоапаратот и камерата од раце. Постојано е актуелен, а за промоција на она што го создава ги користи социјалните мрежи: „Мора да кажам дека преку Фејсбук направив голема реклама. Така, луѓето можат да ме запознаат и да ја видат мојата работа. Речиси секојдневно ставам нови слики и снимки, од нашиот град, од Маврово, Охрид и од сите други места кадешто патувам. Народот тоа го цени и не го крие воодушевувањето“

    Работниот календар за налето веќе му е полн со ангажмани за редовните настани. Во план има и снимање на филм, два документарци и оригинален проект за убавините на Македонија. Како што расте обемот на работа, Небојша околу себе ја шири соработката и во својата продукција вклучува и други луѓе. „Она кон кое се стремам е еден ден да имам огромна продукциска куќа и верувам дека желбата за овој сериозен проект ќе ми се исполни“.

    При крај на раскажувањето на животната приказна на Небојша Петревски, сигурни сме дека ја чепнавме суштината, но уште многу нешта останаа недокажани, недопишани затоа што се работи за исклучителна личност и живот богат со секакви искуства кои е навистина тешко да се вметнат во рамки на пишаното.

    Ќе завршиме со неговите зборови: „Останувам верен на фотоапаратот и камерата. Останувам верен на Гостивар и Македонија. Ги сакам мојот град и мојата земја и сметам дека младите не треба да бегаат надвор од границите, туку да вложат повеќе труд, да работат посветено и да ја градат својата иднина во родното место“.

     

     

    Љупка Антеска

    Advertisement
    Advertisement
    Advertisement
    Advertisement
    Advertisement
    Advertisement

    Отворени огласи за вработување:

    Advertisement
    Гостиварпред 4 часа

    Во Гостивар за 6 часа санкционирани 52 возачи на мотоцикли

    Гостиварпред 5 часа

    ОО СДСМ Гостивар го чествуваше 24 Мај: Светите браќа се клучни личности во македонската историја

    Гостиварпред 10 часа

    Владиците г.Пимен и г.Јосиф отслужија молебен на гробот на Св. Кирил

    Вестипред 12 часа

    Факти за мајмунските сипаници

    Гостиварпред 14 часа

    Триесетина казни во Гостивар и Тетово за возачи кои не пропуштале пешаци

    Македонијапред 15 часа

    Патријархот Порфириј упати Томос за афтокефалност на МПЦ-ОА во Вселенската патријаршија

    Спортпред 15 часа

    Чистка во Интер, заминуваат 13 играчи

    Македонијапред 17 часа

    Заедничка литургија на МПЦ-ОА и СПЦ во соборниот храм „Св. Климент Охридски“ во Скопје

    Македонијапред 17 часа

    Ден на сесловенските просветители Свети Кирил и Методиј

    Технологијапред 1 ден

    Шест месеци научници напојувале компјутер со помош на алги

    Гостиварпред 1 ден

    Куче скитник нападнало гостиварец

    Македонијапред 1 ден

    ЗНМ, СЕММ, ССНM: Владата со народни пари фаворизира одредени медиуми

    Вестипред 1 ден

    СЗО: Мајмунските сипаници во развиените земји веројатно се ширеле на две забави преку секс

    Гостиварпред 1 недела

    Објавена прелиминарната листа со имиња за распределба на социјални станови во Гостивар

    Вестипред 1 недела

    Наместо спортска игра, тотален хаос на натпреварот КК Гостивар-Пелистер

    Гостиварпред 1 недела

    Завршил во ПС Гостивар поради закани кон сестрите и внуката

    Гостиварпред 1 недела

    Почина Петар Илоски, еден од втемелувачите на гостиварската кошарка

    Гостиварпред 2 недели

    Техничкото училиште во Гостивар се презентира пред полуматурантите

    Гостиварпред 2 недели

    Ботанички градини во две училишта во Гостивар, децата со љубов одгледуваат билки и зеленчук

    Гостиварпред 3 дена

    Бизнис саем во Гостивар, учествуваат 20-тина компании

    Гостиварпред 2 недели

    Лукаревска во посета на гостиварската фирма Прогрес 1998

    Гостиварпред 1 недела

    74 граѓани на прелиминарната листа за социјален стан во Гостивар

    Гостиварпред 4 дена

    Емотивна средба во гимназијата во Гостивар-Прослава на 55 години матура

    Гостиварпред 2 недели

    Почна градба на нов објект на градинка во Гостивар

    Спортпред 1 недела

    КК Гостивар казнет со 165.000 денари, два натпревари без публика и суспензија на стручниот штаб

    Гостиварпред 6 дена

    Свеченост за матурантите во економското училиште во Гостивар: Ни го покажавте патот, предизвикот е наш!

    Спортпред 6 дена

    МЗТ Скопје без проблеми во празната Младост против Гостивар 72-85

    Спортпред 1 недела

    Пелистер славеше во празна сала со само „пет на пет“ против КК Гостивар

    Вестипред 1 недела

    Наместо спортска игра, тотален хаос на натпреварот КК Гостивар-Пелистер

    Спортпред 2 недели

    КК Гостивар го „стопи“ и Еуроникел 78-70

    Гостиварпред 3 недели

    Концерт на гимназијата во Гостивар за успех на матурантите и добредојде на полуматурантите

    Гостиварпред 1 месец

    Велигден 2022 во Гостивар: Сплотени со радост во срцата, Христос Воскресе-Навистина Воскресе!

    Културапред 1 месец

    Успешен концерт во Гостивар на друштвото „Браќа Ѓиноски“ во чест на Велигден

    Спортпред 2 месеци

    2МФЛ: ФК Гостивар го шокираше Вардар совладувајќи го 2-1

    Гостиарскипред 2 месеци

    Во Гостивар се одржува „Вешта жена“: Уникатни трпези, забава и дружење

    Гостиварпред 2 месеци

    Гостиварското основно музичко училиште прослави патронат

    Гостиварпред 2 месеци

    Состојба на скривниците во Гостивар – Ќе завршат ли работа во случај на „Не дај Боже“?

    Гостиварпред 3 месеци

    Гостивар порача: Не сте сами!-Поддршка за жените во борбата против рак

    Спортпред 3 месеци

    Храбриот Гостивар немаше доволно сили за целосен шок – Победа на МЗТ 87-85 (фото)

    Advertisement
    Advertisement

    Популарно изминативе 100 дена