Фатени 56 возачи во брзо возење на улиците и патиштата во Гостивар и околината

Вчера (18 април ) од 12 до 18 часот, на подрачјето на СВР Тетово спроведена е акциска контрола за брзина, при што биле откриени и санкционирани вкупно 143 возачи кои ја пречекориле максимално дозволената брзина надвор од населено место. Од нив 107 во теовско и 36 во гостиварско. Според евиденцијата на СВР 26 возачи (Тетово-12 и Гостивар-14) се движеле со поголема брзина од 70 километри на час од дозволената, а 66 возачи (Тетово-44 и Гостивар-22) пречекориле до 70 километри.

При контролата, исто така, биле санкционирани и 73 возачи (Тетово-53 и Гостивар-20), кои ја пречекориле брзината во населено место, од кои еден за повеќе од 50 километри на час. На сите прекршители изготвени им се соодветни поднесоци, а откриени биле и 20 други видови прекршоци, соопшти полицијата.