Феникс 2010 денес го пречекува КК Гостивар

Во последниот натпревар оваа 2022 година и во последното 11. коло од првиот дел во оваа 2022/23 натпреварувачка сезона, екипата на Феникс 2010 ќе го пречека КК Гостивар.

Ова ќе биде петти дуел помеѓу овие две екипи, и Феникс и КК Гостивар имаат по 2 победи. Феникс со 5 победи и 5 порази сезонава се наоѓаат на 7. место на табелата, гостиварци со 8 победи и 2 порази се на делба на 2. позиција на табелата.

Ова последно коло од есенскиот дел има и друга важност. По завршување на комплетното коло конечниот распоред на табелата ќе ги одреди и осумте учесници на финалниот турнир во Купот „Благоја Георгиевски-Буштур“ кои ќе се натпреваруваат по систем 1-8, 2-7, 3-6, 4-5, а ќе се одржи во февруари 2023 година.

Натпреварот во СЦ Кале се игра од 20 часот, во живо може да го следите ТУКА.