Феникс 2010 го декласира КК Гостивар вечерва во Скопје 84-66

КК Гостивар го доживеа третиот пораз сезонава и еден од најтешките порази во поновата историја на клубот, губејќи го вечерва натпреварот во Скопје против Феникс 2010 со резултат 84-66.

Гостиварци изгледа лошо на денешниот меч од самиот почеток, што говорат и бројките. За 10 минути во првиот период примија дури 30 поени, во вторите уште 28 поени, а постигнаа само 27 за цело прво полувреме. Веќе на паузата Феникс имаше позитива од 31 поен, на одморот се замина со резултат 58-27.

Во вториот дел гостите успаа да го добијат третиот период (12-19), ги добија и последните 10 минути (14-20), но тоа беше максимумот од избраниците на Љупчо Малинков што можеа вечерва. Феникс растрчан и силно мотивиран за време на целиот натпревар не дозволи гостите да го загрозат победникот, се чекаше само конечниот резултат 84-66.

Бојан Трајковски и американецот Такер со по 20 поени беа најефикасни на натпреварот, кај КК Гостивар Димитриевски и Корсантија постигнаа по 13 поени.