ФИФА: СП ќе го отворат Холандија и Сенегал

Меѓународната фудбалска федерација (ФИФА) го измени распоредот за претстојното Светско првенство во Катар, и спротивно на востановената традиција првиот натпревар да го игра домаќинот, завршниот турнир ќе го отворат Холандија и Сенегал.

Тоа ќе биде дуел од 1. коло во групата А во која се и Катар и Еквадор, но Холандија и Сенегал ќе истрчаат на теренот на стадионот Ал Тумам во Доха во 11 часот по средноевропско време, додека Катар и Еквадор својот дуел ќе го одиграат истиот ден, но од 17 часот на стадионот Ал Бајт во Ал Кор.

Вчера во Доха, главниот град на домаќинот Катар, со ждрепка беше одреден составот на групите за Светското првенство во фудбал.

На Мундијалот во Катар ќе бидат одиграни вкупно 64 натпревари. Настап на Светското првенство спроти одредувањето на групите изборија 29 репрезентации, а последните три ќе бидат познати по завршните бараж натпревари.

Група А: Катар, Еквадор, Холандија, Сенегал.

Група Б: Англија, Иран, САД, (Шкотска/Украина/Велс)

Група Ц: Аргентина, Саудиска Арабија, Мексико, Полска.

Група Д: Франција, (ОАЕ, /Австралија/Перу), Данска, Тунис,

Група Е: Шпанија, (Костарика/Нов Зеланд), Германија, Јапонија.

Група Ф: Белгија, Канада, Хрватска, Мароко.

Група Г: Бразил, Швајцарија, Србија, Камерун.

Група Х: Португалија, Гана, Уругвај, Јужна Кореја.

Светското првенство во Катар ќе се одржи од 22 ноември до 18 декември.