Филипче: 130.878 граѓани се вакцинирани, сите пријавени ќе добијат термин до 15 мај

Во текот на вчерашниот ден во земјава против коронавирус се вакицинирани 11.857 граѓани. Вкупно вакцинирани граѓани се 130.878, од кои 107.979 граѓани ја примиле првата вакцина.

„Бројот на вакцинирани граѓани во државата секојдневно расте. Секојдневно расте и пријавувањето на заинтересираност помеѓу граѓаните за вакцинирање преку сајтот vakcinacija.mk. Заклучно со вчера, пријавени се вкупно 279.909 граѓани. Апелирам за масовно приклучување преку оваа платформата со што во најбрзо време ќе го добиете вашиот термин на еден од пунктовите кои се на располагање.“, информира министерот за здравство Венко Филипче.

Во интервју за Радио Слободна Европа министерот изјави дека со направен пресек до 30 април – сите граѓани коишто се пријавени на сајтот vakcinacija.mk, а тоа се невакцинирани близу 160 илјади, до 15 мај ќе добијат термин за вакцинација преку СМС порака или меил.