Филипче: Вирусот има широка инфекција, ако треба ќе дејствуваме со нови мерки

Министерот за здравство Венко Филипче преку својот фејсбук профил информираше дека утрово имал редовна координација со директорите на Клиниките на која се разговарало за болничките капацитети, состојбата на болните, актуелната епидемиолошка состојба.

„Во ковид центрите низ државата има доволно кревети за хоспитализација на пациенти, престојниот период може да биде зголемена потребата од хоспитализации, што бара сериозен пристап и координација која успешно се менаџира. Дополнителни капацитети за лекување пациенти со ковид има и истите може да се стават на располагање во секој момент. Доставата на терапија оди тековно и нема застој. Вирусот во моментов има широка инфекција, во постојана координација и комуникација сме и со епидемиолозите, остануваме да ја следиме ситуацијата и доколку е потребно да се дејствува со нови мерки тоа ќе го направиме.“, напиша Филипче.