Македонија

Филипче во посета на Здравствениот дом во Гостивар – најавено реновирање

Објавено

пред 6 години

на

22/08/2019

Од

Gostivarpress.mk

Министерот за здравство Венко Филипче и заменик-министерот Асим Муса беа во посета на Здравствениот дом во Гостивар, кадешто остварија средби со раководството и вработените во установата. Гостиварскиот Здравствен Дом е една од 34 јавно-здравствени установи во државата, за кои Министерството за здравство објави тендер за подобрување на условите, односно реновирање.

„Во последниве две години во овој здравствен дом реализирани се седум вработувања , што претставува значително кадровско зајакнување, набавени се две возила за службите, како и стоматолошки столици. Во овој период повеќе од 136.948 пациенти побарале услуги од оваа здравствена установа.“, наведуваат од Министерството и додаваат дека вработените ги поздравиле измените во однос на зголемување на платите на здравствените работници.

Во септември 2018 година платите беа зголемени за 5%, додека во јануари годинава имаше ново покачување од 5% за медицински сестри и 10% за докторите специјалисти.

Филипче во Гостивар, заедно со сопартијците од Општинската организација оствари и средба со граѓани на која се раговарало за актуелни активности на Владата и на партијата.