Гостивар
Филипоски: Домашната платежна картичка „Купувам домашно“ ќе стигне секаде каде што е потребно
Општинската организација на Социјалдемократскиот Сојуз на Македонија во Гостивар, денеска на прес конференција ја претставија домашната платежна картичка „Купувам домашно“ како и условите, процедурата и намената на картичката, која е дел од третиот сет на економски мерки донесени од Владата.
„Ова е мерка од третиот сет економски мерки за поттикнување на домашната потрошувачка и рестартирање на македонската економија. Заедно да ја зајакнеме македонската економија преку директна финансиска подршка на граѓаните кои пак ќе ги потрошат овие пари за купување македонски производи и услуги. Домашната платежна картичка „Купувам домашно“ ќе ја добијат 324.479 граѓани. Без аплицирање и без дополнителни трошоци. Тоа се 28 милиони евра пари за граѓаните, наменети за купување домашни производи и услуги за рестартирање на македонската економија. Помошта ќе стигне секаде каде што е потребна:
– 9000 денари им следуваат на невработени лица, активни баратели на работа и приматели на социјална помош кои оствариле нето-доход до 180.000 ден во 2019 и нето-доход до 60.000 денари од јануари до април 2020 година.
– 3000 денари ќе добијат вработени лица кои за периодот јануари -април 2020 година оствариле доход до 60.000 денари по основ на плата и надоместоци на плата во нето-износ.
– 3000 денари им следуваат и на средношколци во државните училишта и студенти од 16 до 29 години.
– Домашна платежна картичка „Купувам домашно“ ќе добијат и 4.394 здравствени работници ангажирани во справување со COVID-19, со средства во висина од 40% од последната основна нето-плата. Ние сме социјална држава и солидарно општество и затоа во мерките може да се пронајде секој – зошто секој треба и секој ќе добие поддршка.
Ветивме дека помошта ќе стигне секаде каде што е потребна. Со домашната платежна картичка ќе се помогне на многу наши сограѓани да ја пребродат оваа здравствено – економска криза, предизвикана од коронавирусот“, истакна претседателот на ОО СДСМ Гостивар – Драгуљуб Филипоски.
Од партијата ја појаснија постапката и начинот преку кои граѓаните ќе ја добијат картичката.
„Корисниците ќе ја добијат картичката на домашна адреса или може да се подигне од банката, за истата не се аплицира. Граѓаните ќе добијат Домашна платежна картичка препознатлива со слоган „Купувам домашно“ која ќе ја издаваат банките, на која ќе се наоѓаат средствата и која ќе можат да ја користат“, потенцира Филипоски.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk