Филипоски: На 15 јули гласајте за Коалицијата „Можеме“ за да продолжиме напред уште побрзо

Во своето обраќање на последниот ден од кампањата за Парламентарните избори 2020, кандидатот за пратеник од Коалицијата „Можеме“, предводена од СДСМ Драгољуб Филипоски, ги повика граѓаните на денот на избори да излезат на гласање и да ја дадат својата поддршка за оваа коалиција.

„На 15-ти Јули обезбедени се сите мерки за заштита од Ковид-19. Важно е секој од нас да излезе и гласа,на 15-ти Јули се носи голема одлука. Одлука за сопствената иднина,иднината на нашите најблиски,за иднината на сите граѓани.Одлука за нашата татковина. На овие избори одлучуваме дали ќе продолжиме напред или се враќаме назад кон режимот? Дали ќе растат платите или ќе се полнат џебовите на поединци од белиот дворец? Дали ќе го прочистиме судството од корумпираните судии и обвинители или остатоците од заробената држава ќе ги спасуваат Камчев и Груевски? Дали откако влеговме во НАТО,ќе влеземе и во ЕУ или ќе им дозволиме на Мицковски и ВМРО ДПМНЕ да го поништуваат договорот од Преспа и да не вратат во изолација и заложништво? На 15-ти Јули вие одлучувате кој ќе ја води борбата против КОВИД.Подготвени ли сте вашето здравје и здравјето на вашите најблискида им го доверите на Мицковски и неговите луѓе? Нашата влада се грижи за народот и за иднината,а не за интересите на партиите од кои е составена.Некои партии не се среќни со тоа.Не им одговара влада која е отворена,транпарентна и која се корегира пред секоја аргументирана критика. Ја бараме вашата поддршка.Го бараме вашиот глас за уште еден мандат.За да ги продолжиме добрите политики. Покажавме дека може да се промени начинот на кој државата се грижи за своите граѓанки и граѓани,за децата,младите,постарите и послабите затоа што социјална држава единствено значи грижа за секој поединец во неа. На 15-ти јули гласајте за коалицијата Можеме,за да продолжиме напред уште побрзо и да не ја испуштиме шансата што заедно ја создадовме за оваа наша убава земја и за нашиот народ.“, нагласи Филипоски.