Спорт
Финале во Лигата на шампионите: Реал или Ливерпул, Анџелоти или Клоп?
Финалето од Лигата на шампионите помеѓу Реал Мадрид и Ливерпул ќе се одигра вечер од 21 часот на стадионот „Стад Д’Франс“ во Париз.
Целиот свет со нетрпение очекува одговор на прашањето кој е моментално најдобар на „Стариот континент“ и кој ќе го крене популарниот трофеј „уво“.
Од една страна Мадрид со рекордни 13 титули, предводен од Карим Бензема и неверојатен пат до финалето со три чудесни пресври против ПСЖ, Челзи и Манчестер Сити, а од друга страна Ливерпул, кој и покрај тоа што ја загуби титулата во Премиер лигата, може да се смета за благ фаворит.
„Се може да се случи во финалето. Мора да бидеме подготвени на се. Има работи кои не можете да ги контролирате. Имавме доволно време да се подготвиме и подготвени сме за финалето“, изјави тренерот на Реал, Карло Анчелоти на прес-конференцијата.
Италијанскиот стручњак по петти пат ќе води тим во финалето, на претходните четири победи двапати со Милан и еднаш со Реал, а загуби само во култниот меч Милан – Ливерпул во Истанбул по предност од 3:0 на полувреме.
Знам дека звучи чудно, но мислам дека мојот тим одигра најдобро во финалето што го загубив“, изјави Анчелоти.
Реал е во исклучителна серија од седум последователни победи во финале, која започна во 1998 година со голот на Предраг Мијатовиќ против Јувентус во Амстердам.
Тие победија во последното финале против Ливерпул, во 2018 година во Киев, со 3:1.
Ливерпул вечерва ќе ја брка својата седмата европска титула. Германскиот тренер Јирген Клоп изјави дека „што и да правиш, треба да стекнеш искуство“, а неговиот тим „доби искуство“, а тој ретко „губи во финалните натпревари“.
„Изгубив многу финалиња во мојот живот, и научив многу од тие порази. Момците се развија во последните години. Сите сме поврзани. Во добар момент сме и подготвени сме за финалето“, додаде тој.
Тренерот на Ливерпул додаде дека „самодовербата на Реал Мадрид е исклучително висока“ и дека неговиот тим „мора да биде на највисоко можно ниво“ доколку сака да стигне до трофејот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар