Фирми ќе добиваат пари за да обучат стручен кадар – Проект „Образование за вработување“

Стопанската комора на Македонија во соработка со швајцарската Амбасада во Скопје започна проект „Образование за вработување“, преку кој приватни компании ќе добиваат пари да вршат обуки на кадри. Обуката ќе трае три месеци, по што фирмите ќе имаат обврска да вработат 50% од оние кои ги обучиле во следниот тримесечен период.

Предвидено е на ваков начин во првите четири години од проектот да се ангажираат околу 2.200 лица, а проектот ќе трае најмалку 10 години.
„Вкупната вредност за обуките е 12 милиони евра. Една компанија може да биде корисник на најмногу 10 илјади швајцарски франци, за обука на педесет лица“, рече Стефан Томагиан,  претставник од швајцарската Амбасада,
Како што информираат од Стопанската комора, три компании веќе склучиле договори за обука на работници. Се работи за компанија од автомобилската индустрија, фабрика за производство на медицински помагала и компанија од угостителски сектор.