Физичка пресметка во Основниот суд во Гостивар, учествувале и две жени

Вчера во 15 часот и 20 минути, на улица „Илинденска“ во Гостивар, полициски службеници на СВР Тетово-Одделение за внатрешни работи Гостивар лишиле од слобода 30-годишен гостиварец, а на службен разговор во полициска станица биле задржани, уште пет лица помеѓу кои и две жени сите од Гостивар.

Тие се сомничат дека околу 10.30 часот учествувале во меѓусебна физичка пресметка во просториите на Основниот суд Гостивар на улица „Живко Брајковски“ во Гостивар, каде учествувале на судска расправа.

По целосно документирање на случајот ќе биде поднесена соодветна пријава.