ФК Арсими од Чегране ја освои Третата лига – Запад, ќе игра бараж за влез во Втора лига

Екипата на Фудбалскиот клуб Арсими од Чегране, славеше викендов против екипата на Врапчиште (0-1), со погодокот на Ерсел Дико, со што официјално ја освои титулата шампион во Третата македонска фудбалска лига – Запад, во сезоната 2021/2022.

Со овој успех чегранци обезбедија бараж, преку кој ќе имаат можност за првпат во нивното постоење да се пласираат во Втора лига.

Од следната сезона ФФМ одлучи да воведе една, единствена Втора лига, во која ќе учествуваат 16 екипи.

За комплетирање на единствената Втора лига, петте освојувачи на третите лиги меѓу кои е и ФК Арсими, како и поразената екипа од баражот на 7. позиција од вторите лиги Исток и Запад, ќе играат бараж помеѓу себе за пополнување на последните три места.