ФК Гостивар и Вардар Форино ги загубија бодовите во денешното 13.коло од 2МФЛ

Денеска се одиграa натпреварите од Втората македонска фудбалска лига, екипите на ФК Гостивар и Вардар Форино останаа без бодови во ова 13. коло.

ФК Гостивар гостуваше во Струга, кај екипата на Велешта, која сезонава дебитира во 2МФЛ-Запад и веднаш се вмеша во врвот на табелата. ФК Гостивар загуби од Велешта со резултат 2-1, со што го загуби и чекорот со првопласираната екипа на ФК Скопје. Гостиварци сега заостануваат 6 бодови, се наоѓаат на 2.позиција со бод повеќе од третопласираната екипа на Велешта. Во следното коло, гостиварци ја пречекуваат екипата нa Дрита од Боговиње.

После бурниот период во кој се најдоа поради финансиски проблеми, ФК Вардар од Форино денес сепак го одигра натпреварот против екипата на Кораб. Форинци загубија на домашен терен со резултат 0-1. По 13 одиграни кола ФК Вардар Форино, со 12 бодови се наоѓа на 8. позиција. Во следното коло му гостуваат на екипата на Кадино.