ФК Гостивар и Вардар Форино ремизираа во дербито на западот

Вистински фудбалски празник беше во саботата на Градскиот стадион во Гостивар. Во спортска атмосфера пред солидно пополнети трибини, ФК Гостивар ја пречека екипата на Вардар од Форино. Фудбалерите на двете екипи одиграа одличен и возбудлив натпревар со дури 4 голови. Натпреварот заврши без победник со резултат 2:2.

Љубителите на фудбалот од Гостивар, не чекаа многу за првиот погодок, веќе во 16.минута со голот на Елмир Алији, поведоа гостите од Форино со 0:1. Во 23.минута, Садики од Вардар постигна автогол, со кој го израмни резултатот на 1:1. После само 4 минути игра, гостите повторно успеаа да ја затресат мрежата на Гостивар и повторно преминат во водство, голот за 1:2 го постигна Мухамед Бекир. Резултат со кој се заминаа на одмор.

Во вторите 45 минути, низ главно израмнето полувреме, со шанси и на двете страни, ФК Гостивар успеа преку Илбер Алији да погоди во 54.минута и израмни на 2:2, резултат што се испостави за конечен и поделба на бодовите.

Со овие бодови после 8 кола во 2МФЛ, ФК Гостивар со 12 бодови се наоѓа на петата, а ФК Вардар на шестата позиција со 10 бодови.

Во следното коло ФК Гостивар ќе гостува во Скопје против истоимената екипа, ФК Вардар Форино ќе ја пречека екипата на Кораб од Дебар.