Вести
ФК Гостивар и Вардар од Форино со порази го завршија есенскиот дел од првенството
Викендов се одигра последното, 14-то коло од есенскиот дел од шампионатот во Втората македонска лига – Запад. ФК Гостивар ја пречека екипата на Пелистер, Вардар од Форино гостуваше во Скопје.
Фудбалерите на ФК Гостивар загубија на домашен терен од екипата на Пелистер. Битолчани го одлучија победникот уште во првиот дел, со головите на Бошковски во 17.минута и Главевски во 45.минута славеа со 0:2, заминувајќи од Гостивар со три бодови и промовирајќи се во есенски првак. За гостиварци ова е трет натпревар во серија без победа, имаат скор од 5 победи, 4 нерешени и 5 порази, со 19 бодови се едно место над опасната зона за испаѓање.
Екипата на Вардар од Форино гостуваше во Скопје, кај истоимената екипа. Го загубија натпреварот со резултат 3:0. Форинци имаат 5 победи, 3 нерешени и 6 порази во досегашниот дел од првенството, исто така се во серија од три натпревари без победа. Имаат 18 бодови и се на граница на зоната за испаѓање.
Од фудбалските учесници од регионот во Втората лига – Запад, најдобро пласирана е екипата на Дрита од Боговиње. Со 20 бодови се наоѓаат на 5. позиција на табелата.
Паузата до пролетниот дел во фудбалското првенство ќе трае до март 2020 година.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар