ФК Гостивар нов лидер во 2МФЛ Запад – Вардар од Форино загуби во Охрид

Екипата на ФК Гостивар е нов лидер во Втората македонска лига – Запад, по убедливата победа од 2:0 над директниот конкурент за првото место ФК Скопје. Малиќ Белули го отвори резултатот со погодок во 33. минута, за Христијан Кировски да ги постави конечните 2:0, во 48. минута. Со овие три бода гостиварци со вкупно 14 се искачија на првото место, пред ФК Скопје со 13 и Велешта со 11 бодови. Во следното коло ФК Гостивар ќе гостува кај Велазерими 77 во Кичево.

Вардар од Форино гостуваше во Охрид, каде загуби од истоимената екипа со минимални 1:0. Форинци со 5 бодови се наоѓаат на 8. позиција на табелата. Во следното коло ќе ја пречекаат последнопласираната екипа на Лабуништа/Тетекс.