ФК Гостивар сѐ уште без прва радост во ПМФЛ, пораз од Тиквеш 0-3

Викендов се одигра второто коло од Првата македонска фудбалска лига, во кое фудбалерите на ФК Гостивар ја пречекаа екипата на Тиквеш, која славеше со убедливи 0-3 на Градскиот стадион во Гостивар.

Словенецот Курез го отвори резултатот во 38. минута, Ибиши зголеми на 0-2, а Иваноски ги постави конечните 0-3 во 64. минута, Тиквеш е лидер на табелата со максимални 6 бодови. Гостиварци се сѐ уште без постигнат гол во новата сезона по враќањето во најсилното фудбалско натпреварување во земјава, во првото коло загубија од шампионот Струга Трим Лум со 2-0.

Во следното коло му гостуваат на екипата на Брегалница во Штип.

Во останатите натпревари Шкупи славеше против Вардар со минимални 1-0, Брера Струмица, Силекс и Македонија ЃП забележаа домашни победи.

Поради настапот во квалификациите за Лигата на конференции, актуелниот бранител на титулата Струга својот натпревар од ова коло на гостински терен против тетовска Шкендија ќе го одигра на 30 август.

ПМФЛ – 2. коло:

Вардар – Шкупи 0-1
Силекс – Работнички 2-0
Македонија ЃП – Брегалница 1-0
Гостивар – Тиквеш 0-3
Брера Струмица – Воска 2-0
Шкендија – Струга ТЛ (30. август).