ФК Гостивар загуби од Шкендија во 1/8 од Купот на Македонија

Попладнево низ земјата се одиграа осминафиналните натпревари од фудбалскиот КУП на Македонија.

Екипата на ФК Гостивар со минимален резултат загуби од лидерот во Првата лига, екипата на Шкендија. Единствениот погодок на Градскиот стадион во Гостивар го постигна Тотре од пенал во 15. минута. Шкендија требаше да биде домаќин на овој дуел, но поради технички причини натпреварот се играше во Гостивар.

Денешните натпревари донесоа интересни резултати, од натамошното натпреварување испаднаа: Вардар, Работнички и Пелистер.

Академија Пандев – Вардар 1:0
Брегалница – Беласица 0:1
Кожув – Силекс 1:3
Македонија ЃП – Каменица САСА 6:0
Ренова – Пелистер 2:2 (5:4 пен)
Шкендија – Гостивар 1:0
Шкупи – Кит Го 5:0
Струга ТЛ – Работнички 0:0 (4:3 пен)