ФК и КК Гостивар бараа по 1 милион, им одобрија по 500 илјади денари

Општинскиот Совет на денешната седница донесе одлука за доделување на финансиски средства за Кошаркарскиот клуб Гостивар и за Фудбалскиот клуб Гостивар. Двата клуба ќе добијат по 500 илјади денари од Програмата за спорт во буџетот.

Клубовите бараа општината да ги поддржи со по еден милион денари. Од Секторот за финансии и буџет беше образложено дека за поддршка на спортот до крајот на 2018-та година, во буџетот се останати уште вкупно 1,5 милиони денари, по што беше дадена кратка пауза за консултација.

По паузата, беше предложено на КК и ФК Гостивар да им бидат доделени по 500 илјади денари, по што беше изгласана и одлука.